Muxtar respublika peşəkar futbol arenasında uzun illərdir ki, “Araz-Naxçıvan” klubu ilə təmsil olunur. SSRİ dönəmindəki müəyyən nəticələri və hazırki adı ilə desək, I Liqadakı ikiqat çempionluğu ilə xatırlanan komanda hazırda Premyer Liqada avrokuboklara vəsiqə uğrunda mübarizə aparmaqdadır. Klub müvəqqəti olaraq Bakıda məskunlaşsa da, Naxçıvanda uşaq futbol akademiyası fəaliyyət göstərməkdədir.
“Araz-Naxçıvan”ın akademiyasındakı heyətlər daxil olmaqla, muxtar respublikanın şəhər və rayonlarında müxtəlif yaş qrupları üzrə komandalar fəaliyyət göstərir. AFFA tərəfindən ölkə üzrə təşkil olunan uşaq futbolu yarışlarında çıxış etmək imkanı qazanan həmin komandaların qazancı heyətdəki istedadların kəşfi ilə bağlıdır. Komanda region üzrə uğurlu nəticə qazanır, paytaxta yollanır və artıq burada futbolçuların parlaması üçün əsaslı zəmin yaranır. Çünki həmin yarışlarda paytaxt komandaları da təmsil olunur, eyni zamanda klub seleksiyaçıları, aşağı yaş qrupu üzrə milli komandaların məşqçiləri istedadlı futbolçu axtarışında olurlar. Xülasə, bu proseslərin nəticəsi olaraq muxtar respublikada yetişən bir çox futbolçu üçün yüksəliş imkanları yaranır. Aparılan araşdırma nəticəsində məlum olur ki, fəaliyyətini Bakıda davam etdirən Naxçıvan futbolçularının təqribi sayı 20-ə çatıb. Bundan əlavə, milli komandalarımızın heyətinə cəlb olunmaqla təlim-məşq toplanışlarında və ya oyunlarda çıxış faktları da istisna deyil.
Ölkə futbol klubları və ya akademiyalarında çıxış edən Naxçıvan idmançılarının 2025-ci il üzrə natamam siyahısı:
1. Əzimov Elmin Emin oğlu – Qarabağ U16
2. Əlizadə Murad Orxan oğlu – Qarabağ U14
3. Məmmədli Rəhman Qurban oğlu – Qarabağ U14
4. Şıxəliyev Yusif Rövşən oğlu – Qarabağ U14
5. Hüseynov Möhsün Cəfər - Neftçi U-17
6. Hümbətov Kərim Ramal- Neftçi U13
7. Hüseynov Anar Saleh oğlu – Sabah U18
8. Quliyev Murad Şahmar oğlu – Sabah U16
9. Məmiyev İlhan Ramal oğlu – Sabah U16
10. Talıblı Oğuz Teymur - Sabah U14
11. Ramazanov Rauf Ravayil oğlu – Sabah U12
12. Əliyəv Həsən Xaliq oğlu – Zirə U18
13. Əzizov Ramiz Ruslan oğlu – Zirə U19
14. Əzizov Mövlan Ruslan oğlu – Zirə U17
15. Əliyev Ramal Rauf oğlu – Zirə U16
16. Mahmudov Abbas Amid oğlu – Qəbələ U14
17. Mahmudov Şahin Amid oğlu – Qəbələ U12
18. Əsədli Seymur Əmir - Zəngəzur U14
19. Babayev Kənan Orxan oğlu – İnşaatçı Bakı U17
20. Qasımov Emin Elman oğlu – Ulduz FA U12